„Потрага по корените“ е возбудлива приказна за еден живот исполнет со непредвидливи настани. Девојчето Дулсет со родителите е населена во тешко пристапните предели во внатрешноста на Австралија. Мајка ѝ Кејти, оддадена на пороци, го завршува животот на беден начин, а татко ѝ Сајмон, кој работи во рудниците за опал го затрупува одрон. Дулсет останува сама, без никого и ништо. Тогаш започнува тешкиот и мачен пат на пробивање низ животот. За нејзиното полнолетство банката во Сиднеј го отвора сефот на татко ѝ, и покрај заштеда ѝ предава и писмо, за кое открива дека е пишувано на, за неа, непознат јазик што ја поведува во потрага по својата земја Македонија. При тоа патување ги открива своите корени, ја пронаоѓа вистинската мајка за која ниту насетувала дека постои, дознавајќи ја и вистината за својот живот кој го започнала како Душица.