Низ овие страници се распостилаат стихови од вкупно 73 поети кои се пријавија за учество на манифестацијата. Застапени се автори од Македонија, Хрватска, Србија, Бугарија, Австрија, БиХ и Црна Гора. Во насока на почит кон различностите и оригиналниот израз на поетите, секој автор е објавен на својот мајчин јазик. Тоа го прави алманахот дополнително богат и посебен. Овој алманах е уникатен пример и најубав доказ дека поетите од сите земји се едно големо семејство и заедно претставуваат една богата целина и ДУША на пишаниот збор. Во алманахот свое место најдоа и наградените автори од минатогодишната манифестација „Литературни искри во Гостивар“ - 2014 како и неколку поети домаќини. Фестивалот и издавањето на заедничката збирка се реализираат со поддршка на Министерството за култура на Република Македонија.