Оваа книга поезија од поетесата Иванка Стојкова е создадена од потребата да се искаже убавината, таинственоста, волшебноста, моќта, вљубеноста во бисерот. Магичната моќ на зборот бисер ја поттикнува креативната инспирација и фантазијата на секој човек, а неговото значење наоѓа употреба во повеќе контексти. Во космичка смисла, универзумот и планетите во него се бисери што зрачат и нè повикуваат да ги гледаме и мечтаеме за нив. Со својата таинственост на момент нè охрабруваат да сонуваме за нивната убавина и можеби со некоја мисла навистина да патуваме по млечниот пат. Секоја желба е бисер во нашата свест. Чистотата и регенерирачка моќ на водата го направила бисерите моќни украси како во нас така и на нашите тела.