Стихозбирката „Земја во срцето“ од авторката Иванка Стојкова е поезија со порив од длабочината на срцето, со чувство на огромна љубов кон грутката родна земја што ја милува и негува со пригодни зборови. Таа пее едноставно, искрено, возродувајќи исти чувства кај читателот. Пее за нејзините убавини со восхит и восклик, но и за нејзините трауми низ кои минувала и сè уште минува низ времето.