Авторката на ПОЕТСКА ПАЛАТА вели: Дај ми ѕвезда и ќе ти сплетам соѕвездие, таа си игра со зборовите како што нашите мисли си играат со нас секојдневно, излегуваат на површина и ако не ги забележиме, повторно со сокриваат. Таа навлегува во сите димензии низ кои поминуваме: во детството, градењето на личноста, љубовта, времето, природните убавини и на крај, пак се враќа во зборовите, во стиховите, врз маргините каде каде душата на поетот е најцелосна, најсреќна, одморена... И како што вели авторката во песната Остани, на ниедна страна од светот не сме безбедни, освен на она место кое секој го избира кога тогаш, а тоа е нечие срце создадено само за нас.