Животот е игра, животот е песна.Некои чекори од играта веќе однапред ги знаеш и ќе ја изиграш со леснотија, додека оние што не ги знаеш ќе те натераат да направиш неколку погрешни чекори па и во погрешен правец. Од сите изиграни игри со исправни или погрешни чекори ќе се изроди песна, секоја песна содржи една лекција за вистински потези, за карактери, за човечноста или нечовечноста во човекот. И додека ги учиш лекциите поверувај дека еден ден Дајрето на судбината ќе засвири весела песна под твојот прозорец, тогаш светот ќе го гледаш во розови бои, а сонцето ќе свети од четири страни.