Песните во збирката ВРАТЕТЕ МИ ГО СОНОТ на Драгица Најческа се читаат со интерес, полни се со емотивен набој, нивните пораки се доживуваат многу непосредно. Поезијата на Драгица Најческа е со богат уметнички израз, оригиналност на исказот и по форма и по зборовниот фонд. Уметничката вредност на стихозбирката на Драгица Најческа лежи во сублимираноста на поетската идејно-содржинска и естетско-уметничка креативност. Истовремено, таа е проникната со длабок хуманистички дух. Во целина, песните во збирката градат интересен и поетски експресивен лирски свет со богати содржини.