Во оваа своја најнова книга, д-р Срѓан Керим нè соочува со фактот дека живееме во една, по димензии, досега непозната криза која ги загрозува сите форми на животот на планетата Земја. Тој предупредува дека со климатските промени му се заканува на човештвото еколошка катастрофа од планетарни размери. Авторот во ова свое бележито дело е уверен дека комплексноста на опфатот на таа криза и комплексноста на современиот свет, како и тешките последици што веќе денес се на повидок, се резултат на едно невидено насилство над природата и нејзиното алчно пустошење. Затоа таа не може да се реши доколку не изградиме една радикално нова култура, планетарно димензионирана и на сите нивоа, во која ќе се воспостави единство на мислењето и дејствувањето, еден, всушност нов стил на живеење во кој формите и содржините на нашето мислење ќе бидат во унисон со формите и содржината на нашиот живот. За да се предитрат сите трагични предизвици што ѝ се закануваат на нашата планета и на опстанокот на човечкиот род во неа, д-р Керим смета дека најрелативните светски институции сè до ОН треба да остварат темелни реформи и вистинска демократизација во решавањето на светскиот социјален и економски поредок што ја предизвика оваа криза. Само на тој начин ОН ќе биде средиште на сиот научен и интелектуален потенцијал со кој денес располага модерното човештво и неговите најрелативни врвни научници и мислители. Академик Георги Старделов