Во песните од Зборникот уметнички е одразен речиси целокупниот живот на нашиот народ, неговите душевни верувања, надежи и копнежи за подобри дни, како и борбените настојувања да се преодолее ропството. Зборникот е несвенлив венец на делото на браќата Миладиновци. Значаен дел на Зборникот претставува Предговорот напишан од Константин , каде ги изнесува своите погледи врз народното творештво. Во овој Зборник на 538 страници голем формат се објавени вкупно 660 песни, од кои 584 македонски и 76 бугарски. Покрај тоа, во книгата се приклучени уште и свадбени обичаи од Струга и Кукуш, годишни обичаи од Струга, верувања, игри, преданија, сопствени народни имиња, пословици, гатанки и мал македонско-хрватски речник.