„Украден простор“ е поетска збирка која содржи 41 песна. Низ песните во кои се проткаени различни мотиви, главно се изразени емоциите на лирскиот субјект во одреден миг, како и душевните состојби во кои запаѓа истиот по некое подолготрајно негативно влијание однадвор. Преку конкретни слики и метафори се доловува апстрактното и се универзализира однесувајќи се на секоја единка, во кое било време и на кој било простор.