Азбучен именик претставува еден прекрасен азбучен одблесок во кој секоја буква од азбуката имплицитно ни раскажува по една приказна опеана во стихови. Поезијата за деца на поетесата Наумоска има еден вонвременски карактер. Стиховите имаат специфичност и се прилагодно адаптирани кон нежниот детски дух. Децата повеќе ги чувствуваат настаните отколку што ги согледуваат и авторката сака да им ја доближи реалноста. Наумоска овековечила една поетска рамка со многу убава комбинација на детскиот свет од лесни, наивни, среќни, разиграни, смешни, љубоморни, загрижени па и тажни емоционални треперења на детското срце. Стихозбирката разоткрива аспекти од размислувањата на детската душа, која може различно да се диференцира со секоја азбучна песна.....