„Прозорецот“ е мистерија која на инвентивен начин, преку извадоци од весници, аудио записи и белешки од нотесот на главниот лик, го пренесува истражувањето на новинарот Мите А. за феноменот „човек во прозорецот“. Мите ја започнува својата истрага сакајќи да му помогне на обвнетиот Климент за убиството на неговата девојка, за кого е убеден дека е невин. Набрзо се соочува со сознанието дека се работи за надприродна појава. Колку повеќе истражува, толку повеќе се соочува со разни препреки и проблеми, навлегувајќи подлабоко во ситуација која е преголема за него. Сепак е решителен да дознае повеќе за непозната организација која е причинител на феноменот и истовремено е во трка со времето да го спречи „човекот во прозорецот“ да ги земе наредните жртви.