Оваа поезија смирува со својот поглед и со својот тон, воодушевува со нескротливиот поетски порив и восхитува со преголемата доза на убавина во себе. Таа не предизвикува смело да се нурнеме во нејзините длабочини и оттаму, да ја согледаме метафизичката димензија на животот. Поетесата преку стиховите се стреми да ни понуди една поинаква вонтелесна и вонвременска сфера со метафизички димензии. Ова поетско послание во својата содржина, во целост, му се предава на поетскиот занес за да оживее сѐ она што е родено со прародителски грев и да се исчисти со својата исцелителна молитва-песната. Знае и упорно го прави сето тоа, оваа чудесна поетеса, во својата стихозбирка и затоа ни ја дарува радоста и надежта како најголемо богатство на овој свет