Во велешките поетски пулсирања се одгласуваат љубовта, копнежите и соништата, средбите и разделбите, болката и тагата, победите, паѓањата, возвишувањата, но и поразите. Во нивното битисување како далечно ехо, но и како опомена се одгласуваат Рациновите пораки. Со различно животно и творечко искуство велешките поетски пулсирања не се само аргумент за авторите и сегашното време, туку се златна алка како врска со минатото и обврска кон иднината Овој зборник е исткаен со стихови од многу генерации на автори.