Поетското остварување на Наде Ефремова насловено како „Раѓањето на песната“ е плод на желбата и талентот на авторката кон пишаниот збор, како и на учествата на многу литературни фестивали во и надвор од земјава. Поетскиот набој, чувствата кои ја обземаат младата поетеса, но со зрело творештво, излегува од нејзината душа, чисто, невино, непресметано, ненасилено, онака како што таа го чувствува во моментот. Мотивски книгата е поделена на пет циклуса: I. Раѓањето на песната, II. Насмевката која ми значи, III. Тоа сум јас – тоа сме ние, IV. Желба една голема, V. Природата како сликар, што само ја потврдува сериозноста во творењето на авторката Наде Ефремова дека не се ограничува само на еден мотив, туку инспирацијата ја црпи од сè околу неа.