Со нитка на хумор, доза на сатира и неколку капки иронија, авторот на збирката В.И.Т.Р.И.О.Л ни приредува една пријатна прошетка со вечната тема – жената. В.И.Т.Р.И.О.Л е еден симпатичен колаж на песни за принцези, кралици и слични, згодни млади чупи, паметни и лични. Авторот преку една друга димензија на нему својствен, суптилен начин ни ги „сервира“ доблестите и маните на женскиот род. В.И.Т.Р.И.О.Л е витрина на женската душа, гледана од аголот на авторот, отслик на нивната убавина, во истовреме присуство и на принова и смрт, рај и пекол, а понекогаш на светот само декор. Тој го изразува разочарувањето кое му се случува „по не знам кој пат“ и „е приказна за Гинис“,но од друга страна е оптимист и ја гледа веселата страна на животот и верува во посветла иднина: „да ѝ погледнеме на иднината дирктно во очи, да се заборави на лоште случки од малерозното минато и да не се дозволи тоа да биде она што ќе кочи“. Или едноставно кажано:„Always look at the bright side of life“. Анита Бошкова