Имагинариумот на Доктор Сонѕе е втора книга на Никола Ристевски од Овче Поле. Содржи собрани авторски текстови со езотерична, митолошка, научна, мистична, гонзо и окултна содржина, пишувани под различни псевдоними во последните пет години. Авторот е повлијаен од вечната убавина на древната Македонија, тајните друштва и предизвиците на новото време. Во иМАГиНАРиУМ може да се прочита дел од неговото мнение за ситуацијата во која што се наоѓа денешна Република Македонија и неговиот роден крај, да се добие увид во гледната точка од која го набљудува нивото на манипулација во средствата за јавно информирање, но и да се добијат информации кои што ги нема во популарните книги и општоприфатените учебници, а се поврзани со Македонија. Инспирација за насловот е филмот Имагинариумот на Доктор Парнасус, а на современ македонски јазик Имагинариум ги содржи зборовите Маг, Нар и Ум - што симболички и повеќе од доволно го отсликува широкиот спектар на информации кои се содржани во оваа книга.