Во ова мало парче книга, станува збор за една личност која барајќи спокој и среќа, која барајќи се себе си “налетала“ на човек кој и подарил само очајна љубов. Во својата поезија ги насликав своите чувства, својот страв и својата бесконечна љубов која никогаш нема да прекинам да ја давам. Ги истакнав своите солзи и своите немири кои никогаш не беа избришани од мојата душа, чии дупки никогаш не беа пополнети од разбирање. Но, од се најмногу пишував за својата болка за својата никогаш, возвратена љубов и за моите баба и дедо кои ме научија што е љубовта.