Поемата "Кралот на Македонија" е прва поема која авторката ја напишала со голема љубов спрема својата татковина и спрема минатото за својата родна земја. Секој стих во поемата е вистина вкоренета во генот на македонската земја, испреплетена низ многу книги од домашни и странски автори, учебници и поезија од други поети кои и биле водич низ животниот пат на кралот Александар III Македонски и поттик да напише сплет од сите настани од неговиот живот. Од мигот кога светнала ѕвездата на Агреадите, до мигот кога Александар ќе стане легенда која длабоко се вкоренила во светата македонска земја со своите херојски подвизи, поемата на Ирена е и еден вид епопеја за храбриот и несовладлив крал на Македонија за кого денес зборува целиот свет.