Драмата "Секогаш верувај" е прв и успешен обид за драмски текст на авторката зашто веќе носи прва награда за драма од Фондацијата "ТАКЕЦ" од Битола. Темата е сооднос од времето во кое денес живееме и времето во кое живееле нашите предци, сооднос кој нема граници и кој нема определено времетраење, а тоа е дека вербата и љубовта се безвремени вредности кои треба да ги негува секоја генерација. Тоа што авторката сака да го нагласи низ десетината страници кои ги испишала под насловот "Секогаш верувај" е втемелено и во самиот наслов кој неслучајно е избран да биде круната на оваа прва драма која таа ја напишала: "Вербата планини подига", вели народот, а во тоа верува и Ирена, токму затоа и ја пишува својата прва драма.