„Патот до ѕвездите“ е роман кој раскажува приказна за животот на младата дама Стела, која е на врвот од своите триесетти, а сè уште не се пронашла во соодветна работа ниту, пак, го пронашла партнерот со кој би градела семеен живот. Се соочува со стереотипите и предрасудите на местото каде што живее и со критиките на луѓето кои се дел од еден мал град во провинцијата на Холандија. Израсната во разнолико и не толку прибрано семејство, со проблематично детство и големи предизвици на патот. Нејзиниот драматичен пријател со кој се состанува е постојано обземен со општествените критериуми и ѝ врши притисок да биде таква каква што тој сака. Поради нејзината отвореност и слободен дух таа одлучува да се раздели од него, особено после неговите неразумни неверства со кои сака да ѝ се одмазди. Неговата отровна суета ќе ја натера да го отфрли, иако тој е опсесивно заљубен во неа. Токму тогаш кога Стела ќе се откаже од идејата за каков било успех, таа добива неочекувано признание. Но, здобивањето со светска слава воопшто не ја изменува и истовремено таа се изборува со своите сомнежи дека е на вистинскиот пат.