Составена од песни и кратки раскази, оваа збирка балансира меѓу мисловното, ироничното и хумористичното. До сега објавувани во периодичните списанија и на блог, овие писанија од читателите се оценети како „шармантни“ и напишани со „свежа перцепција“. Често повикувајќи се на нејзините херои, од Том Вејтс, Ник Кејв, до Шимборска и вработените во омилената кафана, авторката преку оваа книга всушност ја пишува нејзината интимна автобиографија.