Збирката „Под сенката на брезата“ замислена како еден колаж од разновидни раскази сплотени во неколку содржински единици, како раскази за пензионерскиот живот, раскази од секојдневието, раскази за судбината на егејците, раскази со патриотска тематика и уште неколку други, или вкупно 45 раскази. Тоа се 45 цвета на една расцветана пролетна гранка, кој од кој поличен и секој од нив еднакво важен за комплетниот изглед на целината. Секој расказ е искорнат од длабочините на душата, а таму зборовите се најчисти и најискрени.