Христо Матов бил еден од најзначајните раководители на Внатрешната македонска револуционерна организација. Тој имал истакнато место, како во највисоките раководства на Македонската револуционерна организација, така и во изградбата на нејзиниот револуционерен систем и ги поставил и ги дефинирал речиси сите прашања поврзани со програмските цели, со основите, принципите и формите на револуционерната дејност на Внатрешната македонска револуционерна организација. Во ВМРО влегол на својата 26-та година и од неа заминал тогаш кога го напуштил светот. На целите на Организацијата и на нејзината дејност и се посветил во целост, лишувајќи се од каков и да е приватен живот и од каков и да е приватен мотив, соопшти Државниот архив.