Сите стоиме пред предизвикот да живееме во едно ,,друго време“, време кога се испреплетуваат разни и туѓи обичаи на нашите простори, време на кое треба да му се пркоси со зачувување на традиционалните вредности, но и оставање траг. Традицијата и обичаите проткаени во стиховите на ,,малите“ автори ќе придонесат за подигнувањето на свеста за важноста на популаризацијата на квалитетната македонска литература за деца што е основна цел на збирката, како и истакнување на местото на книгите во интелектуалниот и емотивниот развој кај младите. Драги читатели, големи и мали, стихозбирката ,,На Велигден Христос Воскресна“ заслужува да добие место во вашето читачко катче и да биде потсетник за велигденските празнувања, традиција, обичаи.