Едночинката “Црно пораѓање” е црна комедија која ја обработува малку познатата тема наречена ТЕЛЕГОНИЈА (теле=далеку, гонија=раѓање) – често забранувана научна дисциплина која тврди дека потомството кај жената зависи од сите нејзини претходни партнери, а не само од последниот со кого го зачнала плодот. Оваа појава била согледана уште пред 150 години кај одредени животни, а во 20 век има примери во кои што телегонијата е забележана и кај луѓето. Токму тоа е причина авторот да ја напише драмата. Поточно фактот дека детето може да има гени/каратеристики/својства на сите претходни партнери на девојката. Случувањето е сместено во болница, при самото породување на жената која зачнува плод со белец, а раѓа црнче. Поради тоа и насловот е “Црно пораѓање” иако не се случува ништо со трагичен епилог, па затоа е и комедија. Возбудливоста и напнатоста е во тоа што мажот е самоуверен дека детето ќе личи на него (а не на неговата сопруга) . Тој има можност да го следи породувањето на неговата сопруга и се случува огромен шок.