Да се пишува, да се доживее поезијата, да се вкуси нектарот на стиихови со кои започнува секој нов ден...Да се гледа изгрејсонцето запишано во душата и сините капки роса кои го галат лицето и ја вдахнуваат мелозвучната симфонија на чувствата. Божествени капки роса ја хранат душата која се насладува со стиховите во кои поетесата ги распослала емоциите. Во стиховите се вткајани нежни акорди на срцето кои со нежност ги свират најуббавите тиввки тонови. Стихови во кои се запишани човечки судбини, стихови кои носат порака. Поетесата на најдобар начин ги донесува преку стиховите животот и секојдневието. Понесена од тој мотив во стихозбирката рои стихови, во кои и капката роса добива боја. И изгрејсоннцето ја топли надежта, а љубовта ја споредува со цветовите на полјаната кои го шират својот опоен мирис.