„Апотеоза на среќата“ е книга која треба да изнуди насмевки и добро расположение кај читателите. Оваа книга се состои од повеќе делови. Првиот е детска поезија и поезија за млади. Таа е поезија која е пишувана во детството на писателката. Следниот дел е поезија од нејзината рана младост - наречена „лудост“. Тоа е време на првите љубови, разочарувања...Следниот дел е Нови, новини... Тоа е дел од нејзината скора минатост и секогашност., каде повторно има љубовни маки и песни и благодарности до блиските, за тоа што секогаш се до неа додека тагувам по нејзиниот непребол... На крај е делот - Елегии за ангелите, посветено на Стефан, Бојан и Јани кои трагично загинаа во сообраќајна несреќа 2013 година. Делот „Ах, љубов“... е сплет од нејзини и туѓи максими за љубовта и животот. Со еден збор во книгата се поврзуваат возрасти, чувства, емоции, солзи и насмевки во една книга. Овде таа сака да предизвика насмевки и да роди среќни очи на детските лица кога ќе ја читаат детската поезија, а насмевки и на возрасните кога ќе се навратат на детството и убавите спомени од младоста, од првите љубови, од платонските, неостварените... Од соништата, од болките, од жалоста за изгубениот член од семејството, од пријателите, од блиските... Но, сепак.. На крај да ги потсети дека љубовта е чувството кое не одржува во живот.