Романот „Еднонасочно“ е дебитантската книга на Стефан Марковски, добитник на наградата „Петре М. Андреевски" за роман во 2009-та. Марковски го напишал овој роман во своите средношколски денови. Неговиот тогашен полиасоцијативен, а истовремено херметичен раскажувачки стил со неоегзистенцијалистички предзнак го оневозможува линеарното и рационално толкување на трите испреплетени приказни кои ги надминуваат класичните наративно-стилистички матрици.