Чингова Пасквелија е имагинарна, иссонувана област некаде на југ од Македонија, покрај езерата, но исто толку вистинска, постојана област во која некои села, веројатно, би можеле да се препознаат. И сѐ друго во оваа збирка раскази е во границата меѓу големите легенди меѓу вистинските настани... Во тоа јужно село Пасквел доаѓа револуцијата, но во него едновремено живеат и преданијата за второто пришествие и за чудата на светителите; паралелно тука се одвива колективизацијата и доаѓа Потоп; како во некои средновековни летописи се шири чума и се одвиваат катаклизми додека народниот комесар Тацко ја дела својата правда и држи говори за слободата. Чинго со мајстворство на народен раскажувач ги меша времињата, сегашноста и минатото, за да докаже дека сето тоа што постоело до вчера во нас не е завршено и исчезнато преку ноќ.